မြန်မာသံရုံး၊ကွာလာလမ်ပူမြို့မှ 6P အစီအစဥ်ဖြင့်ထုတ်ပေးခဲ့သော နိုင်ငံကူးလက်မှတ်များကိုသက်တမ်းထပ်မံတိုးမြှင့်ရန်ဆောင်ရွက်နေမှုများနှင့် အလုပ်ပါမစ်လျှောက်ထားခြင်းကိစ္စများကို ရှင်းလင်းအသိေပး‌ေဖာ်ြပခြင်း

6P နိုင်ငံကူးလက်မှတ်သက်တမ်းတိုးခြင်းကိစ္စရှင်းလင်းဖော်ပြခြင်း

၁။ မြန်မာသံရုံး၊ ကွာလာလမ်ပူမြို့မှ ဆောင်ရွက်ပေးလျက်ရှိသော မြန်မာနိုင်ငံသားအကျိုး ကာကွယ် စောင့်ရှောက်ရေးကိစ္စရပ်များအနက် မလေးရှားနိုင်ငံအစိုးရက မလေးရှားနိုင်ငံ ရောက် နိုင်ငံခြားသားအလုပ်သမားများကို Biometric system ဖြင့်မှတ်ပုံတင်သည့်“6P အစီအစဥ်”တစ်ရပ်ကို၂၀၁၁ခုနှစ်ဇူလိုင်လမှစတင်၍၂၀၁၂ခုနှစ်ဧြပီလအထိ ဆောင်ရွက် ခဲ့ပြီးဖြစ်ပါသည်။ အဆိုပါအစီအစဥ်ကို မလေးရှားနိုင်ငံအစိုးရမှ ဆက်လက်ဆောင်ရွက်ခြင်း မရှိဘဲ သတ်မှတ်ကာလကုန်ဆုံးသည့် ၂-၄-၂၀၁၂ ရက်နေ့မှ စတင်၍ ြမန်မာနိုင်ငံသားများ သာမက အခြားနိုင်ငံခြားသားအလုပ်သမားများကိုပါ ဆောင်ရွက်ပေးနေသည့်“6P အစီအစဥ်”ကို တရားဝင်ကြေညာ၍ရပ်ဆိုင်းခဲ့ပြီး ဖြစ်ပါသည်။

၂။ ြမန်မာသံရုံး၊ ကွာလာလမ်ပူမြို့သည် ယင်း 6P အစီအစဥ်ကာလအတွင်းမလေးရှား နိုင်ငံသို့ အကြောင်းအမျိုးမျိုးဖြင့်ရောက်ရှိနေပြီးြမန်မာနိုင်ငံကူးလက်မှတ်တစ်ကြိမ်တစ်ခါမျှလျှောက်ထားဖူးခြင်းမရှိသေးဘဲ တရားမဝင်နေထိုင်လုပ်ကိုင်လျက်ရှိသည့် မြန်မာနိုင်ငံသား များအားအဆိုပါ 6P အစီအစဥ်တွင်အချိန်မီပါဝင်လျှောက်ထားနိုင်ရေးအတွက်6P မြန်မာ နိုင်ငံကူးလက်မှတ် (၁၀၀,၃၇၄) အုပ်ကို စိစစ်ထုတ်ပေးခဲ့ပါသည်။ မလေးရှားပြည်ထဲရေး ၀န်ကြီးဌာနက 6P အစီအစဥ်တွင် ြမန်မာအလုပ်သမား (၁၄၄၀၉၈) ဦး လာရောက်မှတ်ပုံတင် ခဲ့ကြောင်း၊ မှတ်ပုံတင်ထားြပီးသူများအနက်မှ နိုင်ငံကူးလက်မှတ်အပါအ၀င် လိုအပ်သည့် အဆင့်အလိုက်ဆောင်ရွက်ပြီး စာရွက်စာတမ်းများတင်ပြနိုင်ခဲ့သူများအနက်မှ (၄၈၈၅၅) ဦးကို သာ တရား၀င်အလုပ်လုပ်ကိုင်ခွင့် ပါမစ်များရရှိရေး ဆောင်ရွက်ပေးနိုင်ခဲ့ကြောင်း သံရုံးသို့ အကြောင်းကြားခဲ့ပါသည်။

၃။ အဆိုပါဆောင်ရွက်ချက်သည်မိမိတို့မြန်မာနိုင်ငံသားများမလေးရှားနိုင်ငံ၌ဆက်လက် နေထိုင်အလုပ်လုပ်ကိုင်ရာတွင်အဆင်‌ြေပစေရန်နှင့်လုံခြုံမှုရှိစေရန် စေတနာအရင်းခံဖြင့်အချိန်တိုကာလအတွင်း အထူးအစီအစဥ်တစ်ရပ်အနေဖြင့် နှစ်ဖက်အစိုးရချင်း ညှိနှိုင်း၍ အလုပ်သမားများအပေါ် စေတနာထား ဆောင်ရွက်ပေးခဲ့ခြင်းဖြစ်ပါသည်။သို့ရာတွင်ယင်းသို့ ဆောင်ရွက်ပေးမှုများအပေါ်အချို့က အခွင့်အလမ်းတစ်ခုအဖြစ်မှတ်ယူအသုံးချခဲ့ခြင်းကြောင့်အောက်ပါအခြေအနေများ ဖြစ်ပေါ်လာကြောင်း တွေ့မြင်ခဲ့ရပါသည်-

သက်ဆိုင်ရာကာယကံရှင်မှအကြောင်းအရာအချက်အလက် ပြောင်းလဲ၍ 6P အစီအစဥ်၌နိုင်ငံကူးလက်မှတ်အသစ် ထုတ်ယူ/ကိုင်ဆောင်ခြင်း၊

ယခင်ကမြန်မာနိုင်ငံကူးလက်မှတ်ရှိသော်လည်းတစ်ကြိမ်တစ်ခါမျှလျှောက်ထား ဖူးခြင်းမရှိသကဲ့သို့မမှန်မကန်လုပ်ဆောင်ကာနိုင်ငံကူးလက်မှတ်(၂)အုပ်ကိုင် ဆောင်ခြင်း၊

လျှောက်ထားသူအချို့မှမမှန်ကန်သောစာရွက်စာတမ်းဖြင့် 6P အစီအစဥ်၌နိုင်ငံ ကူးလက်မှတ်များလျှောက်ထားခြင်း၊

မြန်မာနိုင်ငံသားမဟုတ်သူများ 6P မြန်မာနိုင်ငံကူးလက်မှတ်လက်ဝယ်ကိုင်ဆောင်ထားခြင်း၊

အထက်ဖော်ပြပါမမှန်မကန်လျှောက်ထားမှုများကြောင့်မိမိနိုင်ငံသားမဟုတ်သူ များလည်းပါဝင်လာနိုင်ကြောင်း သံသယဖြစ်ပွားလာရခြင်း၊

၄။ အထက်ဖော်ပြပါအ‌ြေခအနေများမှာကာယကံရှင်များ၏ရိုးသားမှု၊ မသိနားမလည်မှု များကြောင့်လည်းကောင်း၊ယင်းအခြေအနေပေါ်အခွင့်ကောင်းယူလျက်ကိုယ်ကျိုးစီးပွားကို သာကြည့်၍ ပွဲစားများ၏မရိုးသားသည့်ဆောင်ရွက်မှုများကြောင့်လည်းကောင်းဖြစ်ပေါ်ခဲ့ရ ခြင်းဖြစ်ကြောင်းကိုအများဆုံးစိစစ်တွေ့ရှိရသဖြင့် 6P အစီအစဥ်ဖြင့်ထုတ်ပေးခဲ့သည့်နိုင်ငံ ကူးလက်မှတ်များအားသက်တမ်းတိုးရာတွင်မြန်မာနိုင်ငံသားမှန်ကန်မှုရှိ/မရှိပြန်လည်စိစစ် ရန်မြန်မာနိုင်ငံအစိုးရမှမလွှဲမရှောင်သာဆုံးဖြတ်ခဲ့ရခြင်း ဖြစ်ပါသည်။

၅။ မြန်မာသံရုံး၊ ကွာလာလမ်ပူမြို့အနေဖြင့် မြန်မာနိုင်ငံ၊ ပြည်ထဲရေးဝန်ကြီးဌာနမှ မူလ ပထမဦးစွာ ထုတ်ပေးထားသည့် (6P အစီအစဥ်မဟုတ်သော) ပုံမှန်နိုင်ငံကူးလက်မှတ် သက် တမ်းတိုးလျှောက်ထားခြင်းများကို တင်ပြလျှောက်ထားလာသည့် စာရွက်စာတမ်းများအား စိစစ် ပြီး ပြည့်စုံမှန်ကန်ပါက သံရုံး၌ပင် (နေ့ချင်းပြီး) သက်တမ်းတိုး ဆောင်ရွက်ပေးလျက်ရှိကြောင်း ကို သိသာနိုင်ပါရန် ဖော်ပြအပ်ပါသည်။

၆။ သို့သော်လည်းအထက်ဖော်ပြပါ 6P အစီအစဥ်ဖြင့်ထုတ်ပေးခဲ့သည့်နိုင်ငံကူးလက် မှတ်များသက်တမ်း (၃) နှစ်ပြည့်၍ကွာလာလမ်ပူမြို့၊မြန်မာသံရုံးသို့သက်တမ်းတိုးလာ ရောက်လျှောက်ထားလာသည့်အခါတွင်မြန်မာနိုင်ငံအစိုးရ၏ ညွှန်ကြားချက်အရ သံရုံးအနေ ဖြင့်မြန်မာနိုင်ငံရှိပြည်ထဲရေးဝန်ကြီးဌာန (မြန်မာနိုင်ငံကူးလက်မှတ် ထုတ်ပေးခွင့်ပြုရေး ဆိုင်ရာကိစ္စရပ်များ)၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန (နိုင်ငံသားစိစစ်ရေး ဆိုင်ရာကိစ္စရပ်များ) တို့သို့ဆက်လက်တင်ပြ၍သက်ဆိုင်ရာဝန်ကြီးဌာနများ၏ ခွင့်ပြုမိန့်ရရှိ ပြီးမှသာနိုင်ငံကူးလက်မှတ်သက်တမ်းတိုးခြင်းအားလုပ်ထုံးလုပ်နည်းနှင့်အညီ ဆောင်ရွက်ပေး လျက်ရှိပါသည်။ အဆိုပါဝန်ကြီးဌာနများအနေဖြင့်လည်း လျှောက်ထားလာကြသူများ၏ ကိုယ် ရေးအချက်အလက်ပေါ် မူတည်၍ သက်ဆိုင်ရာ တိုင်းဒေသ၊ ပြည်နယ်အသီးသီးမှတစ်ဆင့် မြို့ နယ်၊ ရပ်ကွက်၊ ကျေးရွာများအထိ လူကိုယ်တိုင်သွားရောက်၍ အဆင့်ဆင့်စုံစမ်းစိစစ်ရကာ သတ်မှတ်ချက်များနှင့် ပြည့်စုံပါက မြန်မာသံရုံးသို့ ခွင့်ပြုချက် ပြန်လည်ပေးပို့လာခြင်း ဖြစ်ပါ သည်။ သို့ဖြစ်ရာ 6P အစီအစဥ်ဖြင့်ထုတ်ပေးခဲ့သည့်နိုင်ငံကူးလက်မှတ် သက်တမ်းတိုး လျှောက်ထားခြင်းကို သံရုံးမှ စတင်လက်ခံသည့်အချိန်မှစ၍ မြန်မာနိုင်ငံရှိ သက်ဆိုင်ရာဝန်ကြီး ဌာနများမှ စိစစ်ပြီး ခွင့်ပြုမိန့် ပြန်လည်ပေးပို့လာသည်အထိ လုပ်ငန်းစဥ်ပေါ်မူတည်၍ အမြန် ဆုံး (၁) လခွဲမှ နောက်အကျဆုံး (၃) လအထိ ကြာမြင့်ချိန်ရှိပါကြောင်း အသိပေးဖော်ပြအပ်ပါ သည်။

၇။ လက်ရှိကွာလာလမ်ပူမြို့၊မြန်မာသံရုံး၌ လာရောက်လျှောက်ထားသည့် 6P နိုင်ငံကူးလက်မှတ်သက်တမ်းတိုးကိစ္စရပ်များကို၂၀၁၄ခုနှစ်မတ်လ၁၀ရက်နေ့မှစတင်၍ယခုတိုင်အပတ်စဥ်ပြည်ထဲရေးဝန်ကြီးဌာနသို့စဥ်ဆက်မပြတ် ပေးပို့တင်ပြကာခွင့်ပြုမိန့်များတောင်းခံ ပေးလျက်ရှိပြီး၊ခွင့်ပြုမိန့်ရရှိသည်နှင့်နိုင်ငံကူးလက်မှတ်များကိုသက်တမ်းတိုး (စာအုပ်အသစ်ထုတ်ခြင်း) ပေးလျက်ရှိပါသည်။၁၄-၃-၂၀၁၄ရက်နေ့မှ၂၅-၃-၂၀၁၆ ရက်နေ့အထိ 6P သက်တမ်းတိုးလျှောက်ထားသူစုစုပေါင်း (၉၄၂၂) ဦးအတွက်ခွင့်ပြုမိန့်တောင်းခံပေးခဲ့ပြီး၊အဆိုပါလျှောက်ထားသူများအနက်မှ(၇၈၀၂)ဦးအားခွင့်ပြုပေးခဲ့ပြီးဖြစ်ပါသည်။ ခွင့်ပြုပေး ရန်ကျန်သူ (၁၆၂၀) ဦး ရှိပါသည်။ ၂၀၁၆ ခုနှစ်မတိုင်မီ တင်ြပခဲ့သည့်အနက်မှ အချက်အလက် မပြည့်စုံ၍ လွယ်ကူစွာ စိစစ်မရသဖြင့် ကျန်ရှိသူမှာ (၂၈၀) ဦးြဖစ်ြပီး၊ ၂၀၁၆ခုနှစ် ဇန်န၀ါရီလ (၁)ရက်နေ့မှ မတ်လ (၂၅)ရက်နေ့အထိ တင်ပြထားသည့် (၁၃၄၀) ဦးမှာ ခွင့်ပြုမိန့်မကျသေး သဖြင့် ထပ်မံ၍ သက်ဆိုင်ရာဝန်ကြီးဌာနများသို့ နှိုးဆော်စာပေးပို့ထားပြီးဖြစ်ပါသည်။ခွင့်ပြု ချက်ရရှိသူနှင့်အချက်အလက်များမမှန်ကန်သူများစာရင်းကိုလည်း သံရုံးသို့ ခွင့်ပြုချက်ပေးပို့ ၍ လက်ခံရရှိသည်နှင့် တစ်ပြိုင်တည်း အချိန်နှင့်တပြေးညီမြန်မာသံရုံး Face Book ( Myanmar Embassy in Kuala Lumpur, Malaysia)နှင့် Web site (http://myanmar embassy-kl.org) တို့တွင်ပွင့်လင်းမြင်သာစွာဖော်ပြပေးလျက်ရှိပါကြောင်း အသိပေးအပ်ပါ သည်။

၈။ ကျန်ရှိသူများကိုလည်းဆက်လက်စိစစ်ပေးလျက်ရှိရာတွင်ကာယကံရှင်များအနေဖြင့်ကနဦးကပင်အချက်အလက်များ မှားယွင်းစွာဖြည့်စွက်မိခဲ့ခြင်းကြောင့် စိစစ်ရာ၌ကြန့်ကြာမှု များ တွေ့ကြုံရလျက်ရှိပါသည်။သို့ဖြစ်ပါ၍ယင်းကဲ့သို့ မှားယွင်းဖြည့်စွက်ခဲ့ခြင်းများ ရှိပါကမြန်မာသံရုံးသို့လာရောက်ဆက်သွယ်၍အချက်အလက်များမှန်ကန်စွာ ပြန်လည်ဖြည့်စွက်ပေး မည်ဆိုပါက သံရုံးမှလိုအပ်သည်များကိုဆက်လက်ကူညီဆောင်ရွက်ပေးသွားမည် ဖြစ်ကြောင်းအသိပေးအပ်ပါသည်။ ခွင့်ပြုချက်မရရှိသေးသူများအတွက်လည်း သက်ဆိုင်ရာဌာနများသို့ ထပ်မံနှိုးဆော်ဆောင်ရွက်ပေးမည်ဖြစ်ပါကြောင်းနှင့် ကာယကံရှင်များအနေဖြင့် မြန်မာသံရုံး သို့ အချိန်မရွေး ဆက်သွယ်မေးမြန်းစုံစမ်းနိုင်ပါကြောင်းလည်း ထပ်လောင်းအသိပေးအပ်ပါ သည်။

၉။ နိုင်ငံကူးလက်မှတ်ဆိုသည်မှာပြည်ပသို့သွားရောက်၍နေထိုင်/အလုပ်လုပ်ကိုင်သူများ အတွက်တစ်နိုင်ငံနှင့်တစ်နိုင်ငံသွားလာရာတွင်အသုံးပြုရုံသက်သက်မဟုတ်ဘဲ မည်သည့် နိုင်ငံသားဖြစ်ကြောင်းကိုစိစစ်ပြသသည့် အထောက်အထားတစ်ရပ်လည်းဖြစ်ရာမြန်မာနိုင်ငံ သား ဖြစ်ကြောင်း/မှန်ကန်ကြောင်းအတည်ပြုရန်အတွက်ယခုကဲ့သို့ပြန်လည်စိစစ်နေရခြင်း ဖြစ်ပါသည်။ယင်းသို့မှန်ကန်တိကျစွာ ပြန်လည်စိစစ်နိုင်ရေးအတွက် နိုင်ငံသားစိစစ်ရေး ကတ်ပြား (မူရင်း/မိတ္တူ) တောင်းခံရခြင်းဖြစ်သည်ကိုလည်း6P သက်တမ်းတိုးလာရောက်လျှောက်ထားသူမြန်မာနိုင်ငံသားများအားသိရှိစေလိုပါသည်။သို့ဖြစ်ပါ၍လျှောက်လွှာများဖြည်‌့သွင်းရာတွင်မိမိတို့၏ အချက်အလက်များကိုမှန်ကန်စွာဖြည့်သွင်းပေးခြင်းဖြင့်မြန်မာ သံရုံးမှမြန်မာနိုင်ငံသားများ၏အကျိုးကိုယခုထက် ပိုမိုလျင်မြန်စွာဆောင်ရွက်ပေးနိုင်မည် ဖြစ်ပါကြောင်းဖော်ပြအပ်ပါသည်။

Ever Fine ကုမ္ပဏီတွင် အလုပ်ပါမစ်လျှောက်ထားခြင်းကိစ္စ ရှင်းလင်းဖော်ပြခြင်း

၁၀။ မလေးရှားနိုင်ငံအစိုးရက “6P အစီအစဥ်”ဆောင်ရွက်ရာတွင်လုပ်ငန်းစဥ်အနေဖြင့်မလေးရှားနိုင်ငံတွင်တရားမ၀င်နေထိုင်၍အလုပ်လုပ်ကိုင်နေကြသည့်နိုင်ငံခြားသားအလုပ် သမားများကိုသက်ဆိုင်ရာနိုင်ငံသံရုံးများကလိုအပ်သည်များစိစစ်၍နိုင်ငံကူးလက်မှတ်များထုတ်ပေးပါက၄င်းတို့မလေးရှားအစိုးရမှလိုအပ်သည်များစိစစ်ဆောင်ရွက်၍အလုပ်ပါမစ် များထုတ်ပေးမည်ြဖစ်ကြောင်းညှိနှိုင်းခဲ့သဖြင့်ြမန်မာသံရုံးကအထက်အပိုဒ်(၂)တွင်ဖေါ်ပြခဲ့ သည့်အတိုင်း 6P အစီအစဥ်အရ ြမန်မာနိုင်ငံကူးလက်မှတ်များကို ထုတ်ပေးခဲ့ပါသော်လည်း မလေးရှားဖက်မှ ထုတ်ပေးသည့် အလုပ်ပါမစ်များရရှိသူ အနည်းအကျဥ်းသာရှိကြောင်းကို လျှောက်ထားခဲ့သူများ သိရှိကြြပီးြဖစ်ပါသည်။ ၄င်းအချိန်က လျှောက်ထားလာကြသူများ၏ အခြေအနေကို ငဲ့ညှာ၍ သံရုံးမှ 6P အစီအစဥ်အရ ြမန်မာနိုင်ငံကူးလက်မှတ်များကို အမြန်ဆုံး စိစစ်၍ လျင်ြမန်စွာ ထုတ်ပေးခဲ့ခြင်းကိုလည်း သိရှိကြြပီးြဖစ်ပါသည်။ သံရုံး၏ တာ၀န်နှင့် လုပ် ငန်းစဥ်မှာ နိုင်ငံကူးလက်မှတ်လျှောက်ထားလာသည့် ြမန်မာနိုင်ငံသားများကို နိုင်ငံကူးလက် မှတ် ရရှိရေးအတွက် ဆောင်ရွက်ပေးရန်သာဖြစ်ကြောင်းကို သေချာစွာနားလည် သဘော ပေါက်ကြရန်နှင့် အလုပ်ပါမစ်ရရှိရေးမှာ မလေးရှားနိုင်ငံအစိုးရနှင့်သာ သက်ဆိုင်ကြောင်းကို နားလည်သဘောပေါက်ရန် လိုအပ်ပါသည်။ လျှောက်ထားခဲ့ကြသည့် အလုပ်ပါမစ်များကို ဆက်လက်ထုတ်ပေးခြင်းမပြုသည်မှာ မလေးရှားနိုင်ငံအစိုးရ ြဖစ်ကြောင်းကို သိရှိကြရန် လို အပ်ပါသည်။

၁၁။ ယင်းအချိန်က အလုပ်ပါမစ်ရရှိကြရန် အကျိုးဆောင်သူများ၊ အကျိုးဆောင်ကုမ္ပဏီ များနှင့် ဆက်သွယ်၍ ဆောင်ရွက်ကြသည်မှာ သံရုံးနှင့်လုံး၀သက်ဆိုင်ြခင်း မရှိသည်ကိုလည်း သိရှိကြပြီး ြဖစ်သည့်အပြင် မိမိတို့ဆန္ဒအလျောက် ဆက်သွယ်ဆောင်ရွက်ခဲ့ကြခြင်း ြဖစ်သည် ကိုလည်း ကာယကံရှင်များကိုယ်တိုင်အသိဖြစ်ပါသည်။

၁၂။ အဓိက သိရှိထားကြရန် လိုအပ်သည့်အချက်မှာ ကွာလာလမ်ပူမြို့၊ ြမန်မာသံရုံးတွင် ကောင်စစ်ဆိုင်ရာလုပ်ငန်းများကို ၀န်ဆောင်မှုပေးရန်အတွက် ြမန်မာနိုင်ငံအလုပ်သမား၀န်ကြီး ဌာနမှ တရား၀င်ခန့်အပ်ထားပြီး နိုင်ငံခြားရေး၀န်ကြီးဌာနမှ အသိအမှတ်ပြုထားသည့် ၀န် ဆောင်မှုကုမ္ပဏီမှာ Diamond Palace Services Co. Ltd ြဖစ်ကြောင်းနှင့်ထိုသို့တရား၀င် ခန့်အပ်ထားခြင်းကို မလေးရှားနိုင်ငံအစိုးရမှလည်း အသိအမှတ်ပြုထားြပီးြဖစ်ကြောင်းကို ဖော် ပြအပ်ပါသည်။ အဆိုပါ Diamond Palace Services Co. Ltd ပိုင်ရှင်မှ၄င်း၏သီးြခား လုပ်ငန်းအနေဖြင့် Ever Fine Services(M)SND BHD ကိုမလေးရှားနိုင်ငံ၊ကွာလာလမ်ပူမြို့ တွင်ဖွင့်လှစ်ထားခြင်းြဖစ်ပြီး ၄င်း Ever Fine Services(M)SND BHD မှာသံရုံးနှင့်သက်ဆိုင် ြခင်းမရှိကြောင်း ဖော်ပြအပ်ပါသည်။အဆိုပါကာလကပါမစ်လျှောက်ထားသူများသည်မိမိတို့ ပါမစ်လျှောက်လိုသည့်စိတ်ကြိုက်ကုမ္ပဏီများနှင့်လျှောက်ထားခဲ့ကြခြင်းကိုလည်းကာယကံ ရှင်များအသိပင်ြဖစ်ခဲ့သလို Ever Fine Services(M)SND BHD ကိုလည်းြမန်မာသံရုံးမှတာ၀န်ယူဆောင်ရွက်ခဲ့ခြင်းမဟုတ်ကြောင်းဖော်ပြအပ်ပါသည်။ အလားတူ အခြားမလေးရှား ကုမ္ပဏီများတွင် အလုပ်အပ်နှံထားသူများလည်း ပါမစ်ရရှိခြင်း မရှိကြောင်း လေ့လာသိရှိရပါ သည်။

၁၃။ Ever Fine Services(M)SND BHD တွင်ပါမစ်လျှောက်ထားခြင်းနှင့်ပတ်သက်၍ပါမစ်မရရှိသည့်ကိစ္စကိုသံရုံးသို့တိုင်ကြားကြသဖြင့်သံရုံးအနေဖြင့်မလေးရှားနိုင်ငံ‌ေရာက်မြန်မာနိုင်ငံသား (အလုပ်သမားများအပါအဝင်) အားစောင့်ရှောက်ကူညီရန်တာဝန်ရှိသည်ဟုခံယူလျက် Ever Fine ကုမ္ပဏီပိုင်ရှင်အားခေါ်ယူစိစစ်ရာတွင်၎င်း၏တင်ပြချက်အရ Biometric Registration ပြုလုပ်ပြီးသူ (၆၆၇၂) ဦးရှိကြောင်းသိရှိရပြီး (၃၈၂၂) ဦးသည်အလုပ်လုပ်ကိုင်ခွင့်ပါမစ် (Work Permit) ရရှိခဲ့ပြီး (၂၈၅၀) ဦးမှာ Work Permit ရရှိရန်ကျန်ရှိနေသေးကြောင်းသိရှိရသဖြင့်အလုပ်ပါမစ်ရရှိရေးဆောင်ရွက်ပေးရန်ကျန်ရှိသူ (၂၈၅၀) ဦးအတွက်အမြန်ဆုံးဆောင်ရွက်ပေးရန်ကုမ္ပဏီအားသတိပေးခြင်းများဆောင်ရွက်ပေးခဲ့သည့် အပြင်သံရုံးမှအဆိုပါကိစ္စနှင့်ပတ်သက်၍၂၁-၁-၂၀၁၆ရက်နေ့တွင်မလေးရှားနိုင်ငံ၊ပြည်ထဲ ရေးဝန်ကြီးဌာနအတွင်းရေးမှူးချုပ်ထံသို့ကျန်ရှိသည့်ပါမစ်များအမြန်ရရှိရေးအတွက်လို အပ်သည်များကူညီဆောင်ရွက်ပေးနိုင်ပါရန်စာပေးပို့၍မေတ္တာရပ်ခံခဲ့ပါသည်။ဤသည်မှာသံတမန်ရေးရာတာဝန်ထက်ကျော်လွန်၍မလေးရှားအစိုးရထံတောင်းဆိုခဲ့ခြင်းဖြစ်ကြောင်း လည်းဖော်ပြအပ်ပါသည်။

၁၄။ “6P အစီအစဥ်”နှင့်ပတ်သက်ပြီး မလေးရှားအစိုးရမှ တရားဝင်ရပ်ဆိုင်းထားပြီး ဖြစ် သည့်အပြင်ယခုစတင်ဆောင်ရွက်လျက်ရှိသည့်တရားမဝင်အလုပ်သမားများအားတရားဝင် အဖြစ်ပြန်လည်ငှားရမ်းလုပ်ကိုင်ခွင့်ပြုသည့်အစီအစဥ် (Rehiring Programme) တွင်ပင် 6P နိုင်ငံကူးလက်မှတ်များဖြင့်ပါဝင်လျှောက်ထားခွင့်မပြုသည်ကိုဂရုပြုသိရှိနားလည်ထားကြ ရန်နှင့်သံရုံးအနေဖြင့်မလေးရှားနိုင်ငံရောက်မြန်မာနိုင်ငံသားများ၏လိုအပ်ချက်အရလျှောက်ထားသည့်အခြားသောကိစ္စရပ်များကိုနေ့စဥ်သက်ဆိုင်ရာကဏ္ဍအလိုက်အဆင်ပြေ စေရေးဆောင်ရွက်ပေးလျက်ရှိပါသည်။သို့ပါ၍“6P အစီအစဥ်”ဖြင့် ပါမစ်လျှောက်ထားခဲ့ သည့်ကိစ္စများနှင့် ပတ်သက်၍ သံရုံးအနေဖြင့် မလေးရှားအစိုးရထံ မေတ္တာရပ်ခံတင်ပြပြီး ဖြစ် ပါသဖြင့် ပါမစ်ရရှိရေး/မရရှိရေးသည် သက်ဆိုင်ရာ အလုပ်သမား၊ ကုမ္ပဏီ (အေးဂျင့်)နှင့် မလေးရှားအစိုးရတို့အပေါ်တွင်သာ မူတည်ပါကြောင်း အထက်တွင် ရှင်းလင်းဖော်ပြထား သည့်အချက်များကို သေချာစွာဖတ်ရှု၍ နားလည်သဘောပေါက်ကြရန် အသိပေးအပ်ပါသည်။

မြန်မာသံရုံး၊ ကွာလာလမ်ပူမြို့

၂၀၁၆ ခုနှစ် မတ်လ ၃၁ ရက်